Biz haqimizda!

O'zbekiston Respublikasi Prezidentining 2020 yil 10-aprelda "Yovvoyi holda o'suvchi dorivor o'simliklarni muhofaza qilish, madaniy holda yetishtirish, qayta ishlash va mavjud resurslardan oqilona foydalanish chora-tadbirlari to'g'risida"gi PQ-4670-sonli qarori qabul qilindi.

O'zbekiston Respublikasi Savdo-sanoat palatsi Riyosat yig'ilishining qaroriga asosan, Palata Ijroiya Qo'mitasining tashkiliy tuzulmasiga o'zgartirish kiritilib, 3ta shtat birligidan iborat bo'lgan "Dorivor va Ziravor o'simlik yetishtiruvchilarni qo'llab-quvvatlash" bo'limi tashkil etildi.

Bo'limning asosiy vazifalari va faoliyat yo'nalishlari etib quyidagilar belgilandi:

• Mamlakatimizda dorivor va ziravor o'simlik yetishtiruvchilar manfaatlarini qo'llab-quvvatlash va ular faoliyatini rivojlantirish yuzasidan tizimli takliflarni ishlab chiqish;
• Respublikada va xorijiy mamlakatlarda biznes-forumlar, ko'rgazmalar va yarmarkalarni tashkil etish va ularda mahalliy dorivor va ziravor o'simlik yetishtiruvchilar tadbirkorlarning keng ishtirokini ta'minlash;
• Yetishtiriladigan dorivor va ziravor o'simliklarning xususiyatlari, ular yetishtiriladigan hududlar to'risidagi ma'lumotlarni o'z ichiga oluvchi elektron axborot tizimini yaratish;
• Tadbirkorlik faoliyatini amalga oshirish bilan bog'liq zarur axborotlarni olishiga amaliy yordam berish;
• Dori vositalari muomalasi va farmaseftika faoliyati masalalari bo'yicha aholi o'rtasida axborot-tushuntirish ishlarini tashkil etish hamda o'tkazishda ishtirok etish;
• Dorivor o'simliklar yetishtirish va ularni qayta ishlash bo'yicha xalqaro tashkilotlar bilan o'zaro faol hamkorlik qilish va sohaga bosqichma-bosqich inovatsion yechimlar (nou-xau) joriy etish;
• Yangidan faoliyat boshlayotgan dorivor va ziravor o'simlik yetishtiruvchilar uchun biznes tuzilmalar faoliyatini yaratish va tashkil etish hamda ularga biznes-rejalarni tayyorlash, tadbirkorlik faoliyatini amalga oshirish bilan bog'liq zarur axborotlarni olish va amaliy masalalarni hal etishda ekspert, huquqiy va maslahat yordami ko'rsatish;
• Dorivor va ziravor o'simlik yetishtiruvchilar faoliyatini doimiy monitoring qilib borish, duch kelinayotgan muammolar va to'siqlarni bartaraf etishga ko'maklashish;
• Dorivor va ziravor o'simlik yetishtiruvchilarning huquqlari, erkinliklari va qonuniy manfaatlariga daxl qiluvchi eng muhim masalalar yuzasidan monitoring olib borish;
• Dorivor va ziravor o'simlik yetishtiruvchilarga biznes yuritish asoslari, biznes-rejalar tuzish, menejment, moliyaviy boshqaruv va boshqa zarur fanlarga o'qitishni tashkil etish bo'yicha tadbirkorlik subyektlari uchun o'quv kurslarini ishlab chiqish va o'tkazish.